1984 – 2007
- ‘E ‘on kamatag pau avat ne Ri Ha’ ta fu’ạkie ma säe ‘e terȧn kesmȧs ta rȧn 25 ne Tisempa 1984, kạunohoag ne noh ‘e Nadawa rot ma hat kikia se kạurot ne Nadera. Kạunohoag ne Nadawa rot, garue ma teag’esea ma kạurot ne Nadera ma hele’ se fạu 2007.
- ‘E av ‘on Fekau Raki Tigarea ‘e fạu 2007, Fekạu ta a’häe la väea la Nadawa la fū la kạurotut ma kel se Ӧ’hön te’is Emi Nofaga. Ӧ’hon te’is päe se rue’ȧk ‘on Huạ’I ma kamat garue se kaurot te’is Nadawa.
2008 – 2013
- Huȧ’ ta Emi Nofaga garue se kạurot te’is se avat iạ ma Ӧ’fa ta hö’ se ‘os hanue ta Rotuma
2013 – 2017
- Fekau Mario Rigamoto, väem Huȧ’ ta Jiare Fonmanu ma Ӧ’hön ta Rosarina Fonmanu la garue se kạurot te’is Nadawa. Huȧ’ ta Jiare Fonmanu ma Ӧ’hön ta Rosarina Fonmanu garue ma kạurot te’is ma hele’ ‘e fạu 2017
2018 – 2020
- Fekạu Jioje Taito väe tape’ma Huȧ’ ta Jone Sukamanu ma Ӧ’hon ta Janet la garue se kaurot te’is Nadawa.
- ‘E ‘oria ava tape’ma Kaurot te’is Nadawa muạ’ȧk tape’ma Rot Fa ma Rot Hȧn ne Churchward Chapel ‘e fau 2018 ma Kaumakag ne Rewa Street ‘e fau 2020.
- Huȧ’ ta Jone Sukamanu ma Ӧ’hon ta Janet garue se kaurot ta ma hele’ se a’vạhiạg ne fạu 2020.
2021 – 2022
- Fekạu Jioje Taito rue’ȧk hoi’ȧk Huạ’I ma Ӧ’hon Huȧ’ te’is Emi Nofaga matạ’ karạu se Nadawa Kạurotu ‘e fạu te’is 2021 – 2022
2022 – 2024
- Fekạu Jioje Taito väem Huȧ’ ta Courtney Rigamoto ma Ӧ’fa ta Robert Rigamoto ka garue se kạurot te’is Nadawa. Ma iris garue ma kạurot ta ma hele’ ‘e June 2024.
July 2024 to date
- Fekạu Fonmanu Varea väem Huȧ’ ta Robert Taukave ma Ӧ’hon ta Aliti la garue se kạurot te’is Nadawa ma iria te’is garue ma hele’um se terạni te’i.
‘Is ‘uạ’uạ’akia ‘Ạitu ‘ereko ‘on lelea’ e’a ne garue sok’ȧk alelei ma hele’um se terani te’i.