Ri Ha’ ta sae ‘e 24 ne Tisempa 1984. Ma Fesaitu Taito ne ‘inos ma Saverine ta hua’ mumua ne kaurotu te Churchward. Ka rotu kat seminte os ra ta nohogat se hua’ ta ma hua’ ta Fesaitu ma ohon ta noh karau kikia ‘e hall ne rotu. Ofa te’is ta hua’it ne garue fak hua’ roa se kaurotu te Churchward. Ohon ta Saverine a’u’ua ka iria noh la mo ‘e lag pa ne Rotu.
‘E 1991 ta faut ne Fekau Samuela vae utum se Churchward [first posting] ma ia noh ‘e nohogat ne hua’I noh sin ‘e terani te ‘I ‘e reko Rotu kat seminte a’potsusun ra ta nohogat se Fekau. Ma Fekau Samuela noh fau fol ‘e Churchward ma ‘e av he ta’ag ofes ne rotu ta’ma ‘e rum ésea het ‘e mua heta ka tor ne ri ta mou se nohoag ne Rotu. Fekau Samuela ‘e ‘on fau fakmurit se Churchward ka fa ‘intiet ne ‘on’an nohogat te lopo ‘af’af mah ma far’ak la Gagaj Fekau Samuela la ro’ait’ak ia. Ma Gagaj Fekau a’sok ro’aitu ma fa ‘intie ta ne’ne’ hoi’ak, ma fa gagaj te’ a’hae la tog’akia ‘on rita se Fekau Samuela ‘e reko ia pa la’ la noh ma ‘on lele’a ‘e hanua. Ka gagaj Fekau a’hae’ak la ri ta la tog’ak se Rotu ma rotu ta togia ri ta. Fekau Samuela vae ut ma Fekau Voi Taukave ma kaunohoag ta leum la garue se Churchward ‘e 1994 ma iris noh karau ‘e nohoag te’ tape’ma se av het nohoag ‘on Fekau potsusun la iris la sur sin. Ma Robert ta le’ mea’mea’ het ne ohon ta Fotfiri a’su ka iris noh la’ mo ‘e nohoag te . Ma iris tuk se nohoag ne rotu ne mou se fekau ‘e 1994
Ma ta Hua’ta Fesaitu surum se nohoag te’ ma kamata ma ‘e av heta’ag nohoag te’ mou se hua’ ne Churchward. ‘E avat ne Hua’ ta po ‘e ‘af’af ne suak ta ma ‘on lahapat mut. Ma tauna’ hual fo’ou rae ne kop ma kal vaohian ra se ‘on la a’sok a’lelei ne garue ta ma tauna’ ta a’hae la hua’ ta la a’u’ua sio ‘e he’oag ta. Hua’ ta far’ak la ia la nono garue ma ‘e reko aier ‘on la hapat mut ka ia nono ne’ne’ la mo la garue. Ka tauna’ ta kau’ak ma a’vah la ia la a’u ua ka tefakhanisit Rotu la na se ia ‘e te’ ne hual ‘I $200. Ma hua’ta Fesaitu a’u’ua ‘e he’oag ta ma ho’ se ‘on hanue ta ‘e Turaki. Fauoro ma Fiu Vilsoni ta surum se nohoag te’ ma nono ma ohon ta Fiu ‘af’af ia ‘stroke’ ma iria kop la a’u’ua ma hot ‘e nohoag ta ma ho’ se ‘oria hanue ta. Ma Hua’ ta Sokra’a ma ohon ta Makereta Motufaga ta surum la Hua’ ne Churchward ma noh ‘e nohoag ta. Ma Hua’ ta ‘af’af ma a’u’ua. Ma rotu af’ak ia ma vah ma kota Rotu ho’ak ohon ta Makereta se ‘on lele’a.