19/03 Rȧn Rue Mareko 6:1 – 6

Amnȧk ta: TE NE LA JENEA: A’FẠIẠG A’NOA, KA NONOJ LA A’SOK. (Changes: sometimes difficult, yet needed)

Ut 1a, 3-4: Ma ia la’ ‘e ta’ag…..Ka ‘eake fa te’is….Ma ta Jisu ‘eag…….
Sui’ȧk ta: ” ‘Äe kal a’noa ra la parofitet ‘e laloag ne ‘ou hanuạ noh
ta”. Te’is tēet ne iris a’mou ‘ea’ea ‘e ut ‘e ‘on rerege ‘e rȧn te’ ‘e av ne iris kat a’fại ra se ‘äea, ne iris ne kạinag ‘el pạu se ‘äea, kat a’sok ra tē fo’ou ne ‘äe pa hạiväega.

Gou aier’ȧk ne ‘e av ma’oi ‘is kop la a’sok ta rērē fo’out ‘e utut ne ‘is nohoe ‘e ‘os mȧür ‘atakoa ta ne ta ut hoi’ạkit ‘e rȧn te’. ‘Is la pō la fu’ mea’mea’ se’ ma ‘inea ‘ia ne tēet ‘e ‘isa für vạhia, ‘inea ne tese mȧür ‘on iris ne kạlum ruerue ma kikia ‘e kạinag ruerue ‘eseat ma. Ma ‘on furiạg ne ‘os kel tē ma ‘os a’a’häe la pō la leum ‘e hitim ne ‘e ta la’la’ a’riri’ ‘e ‘ita.

La fak se Jisu, famör ne kạlua ‘is la pō la kelkelea ta famör ‘eseat ma. Ma iris ne ‘is hanis ti’ sini, kop la nā av la iris la räea ta ruerue fo’ou het. Se iris ne mou se hanua noh ta’ag, Jisu iạ nōnō ma se ta le’ mea’mea’ het ne fupfup ag’esea ma ‘on hensạsiạg fa ma hạina. Ma gou pō la ‘inea ne iạ a’kokon huạg ‘on Jisu ‘e reko famori pa kat a’fại ra se ia ne kal a’sokoa ra iạ, la fak ma se iris ne ‘is hạikạinagag mar.

Ma tes ta rogrog te’is kel’ạkia se ‘isa? Ma iạ pa kel’ạkia se ‘isa ne jen ‘i sok la pō la ‘is la aier se ‘isa. Ma jen ‘og iris a’mou kat vavhiạn ra, ka ‘eake famör ‘atakoa la aier’ȧk, ka ne jen ‘i kop la sok.
” ‘Äe kal a’noa ra la parofitet ‘e laloag ne ‘ou hanua noh ta”. Ma kop ma ta’ag tēet ne kop la soko. Ma ‘aklul heta kal pō ra la nōnō ma iạ ‘aklul het, hoas heta kop la pal se’. Ma iạ tē ‘eseat ma, ‘is kop la fup ma pal se’ tape’ma.

Ro’ạitu:

‘Ạit ne mạuri, ‘äe ‘ut a’elem se ‘ạmisa ‘e av ne jeneag ne tē sokoe. Hạiasoagan ‘ạmis la huạlā ‘e sal noj ta ma a’sokoa ta hil tē nonojot ‘e av ne ‘ạmis täe ‘e maj ne sala. ‘Emen.